New year resolution in marathi – नवीन वर्षाचे स्वागत आणि Pareto चा ८०-२० नियम

new year resolution in marathi

नवीन वर्षाच्या सुरुवातीला केलेले संकल्प एका नव्या वर्षांमध्ये आपल्या प्रगतीला जरूर पूरक ठरतात. New year resolution in marathi नवीन वर्ष संकल्प ह्या लेखात वेगवेगळ्या क्षेत्रात काही संकल्प घेण्याचा आपण कसा निर्धार करू शकतो ह्यावर थोडी चर्चा केलेली आहे. एका आर्थिक वर्षात (Financial year) सुद्धा असे काही संकल्प करून त्यावर काम करता येईल.

जुने वर्ष जाणे आणि नवीन येणे ही काही नवीन गोष्ट नाही, पण अशा आकड्यांच्या परिवर्तन वेळेस काही नवे प्रश्न स्वतःला विचारले तर कदाचित नवीन उत्तरे आणि नवीन दिशा सापडतील.

काही प्रश्न अशा स्वरूपाचे असू शकतात.

  • जेवढा वेळ आपल्याला एका दिवसात मिळतो आपण त्याचा किती उपयोग करतो?
  • वर्षात १२ महिने असतात , मग आपण १२ वेगवेगळ्या लक्ष्यांवर कधी काम करतो का?
  • किंवा दर तीन महिन्यांत एक असे एकूण ४ लक्ष्य पूर्ण करायचा आपण कधी प्रयत्न करतो का? वगैरे वगैरे..

नवीन वर्ष संकल्प करतांना बाकी अनेक लक्ष्यांपैकी Financial tasks or Investing हे सुद्धा एक लक्ष्य इथे अभिप्रेत आहे.

New year resolution in marathi नवीन वर्ष संकल्प ठरवताना असेच काही लक्ष्य आपण निश्चित करू शकतो. हे लक्ष्य छोटे किंवा मोठे असू शकतात. मागील वर्ष कसे गेले ह्याची आपण समीक्षा करू शकतो. नवीन वर्षाचे स्वागत करताना मागील वर्षातील चुका  किंवा आपण त्या वेळेस काय अधिक करू शकलो असतो हे लक्षात घेऊ शकतो. त्यानुसार आपली नवीन योजना बनवू शकतो.

नवीन वर्षाच्या सुरवातीलाच बरेच जण काही संकल्प करतात; पण थोडेच लोक त्यावर काम करत असावेत. ह्याचे एक मुख्य कारण म्हणजे आपल्या सवयी आपल्या संकल्पाला कशा प्रभावित करत असतात ह्याबद्दलची अनभिज्ञता हे असावे. न झेपणारे संकल्प करणे आणि मग हे काही आपल्याकडून होणार नाही असे कबूल करणे म्हणजेच आपल्या काम पूर्णत्वास न नेण्याऱ्या सवयींना अजून खतपाणी घालणेच होय असे म्हटले तरी हरकत नाही.

प्रगतीला पूरक अशा सवयी कशा लावाव्यात आणि आपल्या मेंदूला एखादे कार्य पूर्ण करण्यासाठी कसे प्रेरित करावे ह्याबद्दल अधिक वाचण्यासाठी मिनी हॅबिट ह्या पुस्तकाची समीक्षा आपण मिनी हॅबिट – छोट्या सवयीचे मोठे परिणाम इथे वाचू शकता किंवा हळूहळू होणाऱ्या मोठ्या परिवर्तनासाठी स्वतःला नेहमी कसे तयार ठेवावे ह्यासाठी Who moved my cheese ह्या पुस्तकाची समीक्षा आपण वाचू शकता.

new year resolution in marathi

New year resolution in marathi नवीन वर्ष संकल्प ठरवताना आपण आपल्या कार्यक्षेत्रानुसार किंवा आवडीनुसार अशाच काही गोष्टीवर काम करू शकतो. नवीन वर्षात काही प्रभावी संकल्प आपण खालील क्षेत्रात घेऊ शकतो.

  • आरोग्यासाठी चांगल्या सवयी: चांगले आरोग्य असणे हे महत्वाचे आहे त्यामुळे ह्या गोष्टीवर विशेष लक्ष देऊन ह्यामध्ये आहार, व्यायाम इत्यादी गोष्टीवर काम करता येईल. आरोग्यासाठी गुंतवलेला आजचा वेळ भविष्यात आपला वेळ वाचवेल हे नक्की आहे.
  • समाजोपयोगी कार्यात सहभाग: आपल्यात काही तरी विशेष गुण असतोच. ह्याचा कुणाला आणि कसा उपयोग होईल ह्याचा निस्वार्थ विचार करून आपली सेवा समाजात देणे हा सुद्धा एक चांगला संकल्प होईल. Joy of giving बद्दल आपण वाचलेच असेल. आपल्या क्षमतेनुसार, कौशल्यानुसार आपण देत गेलो कि आपली स्वतःची किंमत सुद्धा वाढत जाते. भलेही ह्यावर ३-४ महिन्यात एकदा काम केले तरी आपल्याला देण्याचे समाधान नक्कीच मिळेल.
  • निसर्ग, पर्यावरण सुरक्षा: जमेल तसे आणि जमेल तेव्हा आपण ह्यावर काम करू शकतो. ह्यासाठी पूर्ण वर्षात थोडासा वेळ काढणे हा सुद्धा काही जणांच्या संकल्पाचा विषय असू शकेल. घराच्या आजूबाजूच्या पर्यावरणासाठी तरी आपण काही प्रमाणात वृक्ष लावून व जगवून ह्यात हातभार लावू शकतो. ह्यावर तर प्रत्येकानेच एक छोटा संकल्प केला तर तो सगळ्यांच्याच हिताचा असेल.
  • आपल्या छंदाला वेळ देण्याचा संकल्प करणे: रोजची कामे करतांना आपल्या आवडीच्या कामाला जोपासणे म्हणजे आपल्याला बाकीच्या कामात सुद्धा ऊर्जा मिळते. Money is byproduct हे quote कुणी इथे समजू शकतो. कधी कधी छंदाचे रूपांतर एखाद्या व्यावसाईक संधीत होते.
  • गुंतवणूक विषयाला शिकणे: आर्थिक बाबतीत बचत, गुंतवणूक इत्यादी गोष्टीची सूत्रे हातात घेऊन त्यावर काम करणे म्हणजे ह्यातून जास्त लाभ होण्याची खात्री असते. गुंतवणूक विषयात सतत शिकत राह्ल्याने आपण स्वतःला अधिक विकसित करत जातो. ह्यावर जास्त वाचण्यासाठी ह्या ब्लॉग वरील बरेच लेख उपयोगी पडतील. वाचा: गुंतवणूक कशी करावी?
  • अजून काही ज्यामुळे आपल्याला खरंच आनंद मिळणार असे विविध विषयावरील संकल्प. ह्यासाठी ह्या लेखावर आपल्या प्रतिक्रिया अवश्य उपयोगी पडतील.

हे तर झाले नवीन वर्ष संकल्प काय असतील ह्याबद्दल पण त्यांच्यावर काम कसे करावे हा जास्त मोठा प्रश्न असणार आहे. त्यासाठी आपल्याला Pareto चा ८०-२० नियम उपयोगाचा होईल. Pareto चा नियम आपल्याला जवळपास सगळ्याच क्षेत्रात कामाचा आहे. आर्थिक क्षेत्रात यश मिळवण्यासाठी सुद्धा ह्याचा उपयोग होऊ शकतो.

Parote  च्या ८०/२० नियमानुसार तुमचा २० टक्के वेळ हा ८० टक्के काम पूर्ण करण्यासाठी खर्च होतो. तुम्ही एखादे काम पूर्ण करण्यासाठी जेव्हा हाती घेता तेव्हा तुमच्या २० टक्के प्रयत्नांनी त्या कामाचा  ८० टक्के भाग पूर्ण होतो. एखाद्या कंपनी मधील २० टक्के लोक हे कामाचा ८० टक्के भाग पूर्ण करतात. २० टक्के ग्राहकांमुळे विक्रीच्या लक्ष्याचा ८० टक्के हिस्सा पूर्ण होतो, हे Parote चे ८०-२० नियमाचे काही उदाहरणे आहेत. New year resolution in marathi नवीन वर्ष संकल्प पूर्ण करण्यासाठी ह्या नियमाचा काही उपयोग होऊ शकतो.

अगदी सुरुवातीला  इटली मधील ८० टक्के संपत्ती ही फक्त २० टक्के लोकांच्या ताब्यात आहे हे  Parote ह्यांचे निरीक्षण होते. ह्यामध्ये ८० अधिक २० म्हणजे १०० असे समजू नका. एखाद्या कंपनीमधील २० टक्के लोक हे कदाचित १० टक्के काम करतील, किंवा ५० टक्के काम करतील, किंवा ८० वा ९९ टक्के सुद्धा काम करतील. सांगायचा अर्थ हा कि जीवनात समान वितरण न दिसता  ८०/२० किंवा थोडे कमी अधिक अशा प्रमाणात आढळते. काही लक्ष्य गाठताना काही गोष्टी इतर गोष्टीपेक्षा जास्त परिणाम दाखवतात. आपल्याला हवे   कि आपण ह्या २० टक्के गोष्टींवर आपली शक्ती खर्च केली पाहिजे.

गोष्टींचे समान वितरण नसते  (Things are not distributed evenly ) म्हणजे  काय ? म्हणजे एखादे काम करण्यासाठी जर एक ठराविक वेळ लागत असेल तर तेवढ्या वेळेचा प्रत्येक क्षण हा समान रूपाने ते काम पूर्ण  करण्यासाठी लागेलच असे नाही. त्या ठराविक वेळेचा २० टक्के हिस्सा हा त्या कामाला ८० टक्के पर्यंत पूर्ण करण्यास हातभार लावू शकतो. एक काम करताना एक भाग  input ने (श्रम, मेहनत , मजूर ) एक भाग काम पूर्ण होईलच असे जरुरी नसते. काही गोष्टी ( इथे २० टक्के )ह्या त्या कामाला पूर्ण करण्यासाठी (इथे ८० टक्के काम ) जास्त हातभार लावतात आणि काही कमी हातभार लावतात.

new year resolution in marathi

हा नियम इथे सांगण्याचे प्रयोजन म्हणजे आपण सुद्धा अनेक काम करताना ह्या नियमाचा वापर करू शकतो. आपल्या मेहनतीच्या २० टक्के भागाने एखादे काम ८० टक्के पूर्ण करू शकतो. आपल्याला निकाल ह्या २० टक्के प्रयत्नांनी भेटेल. त्यामुळे अशा कामाची यादी बनवा कि जे आपल्या लक्ष्याच्या ८० टक्के भागाला पूर्ण करण्यासाठी मदत करतील.  अर्थात हे गुणोत्तर ८०-२० असू शकते, ९०-१० असू शकते किंवा ९०-२० असेही असू शकते (बेरीज १०० च आली पाहिजे असे जरुरी नाही ).

येणाऱ्या वर्षात जेव्हा आपण एखादे काम पूर्ण करण्यासाठी त्यावर मेहनत करणे सुरु कराल तेव्हा ह्या नियमाचा वापर करा आणि काम पूर्ण करण्यासाठी कोणत्या गोष्टी महत्वाच्या ठरतील ह्यावर विचार विनिमय करा. हा नियम नेहमीच अगदीच जसाच्या तसा काम करेलच असे नाही;  पण Parote  ह्यांनी सांगितलेले  most things in life are not distributed evenly हे निरीक्षण  बऱ्याच ठिकाणी तुम्हाला कामात पडेल. 

New year resolution in marathi लिहून घ्या आणि त्यावर काम करून आपल्या क्षमता अजून वाढवा. सोबतच गुंतवणूक क्षेत्रात अजून शिकण्यासाठी ह्या नियमाचा वापर करा.
नवीन वर्षाच्या अनेक शुभेच्छा.. Happy Investing

हे सुद्धा वाचा:- योजना आगामी आर्थिक वर्षाच्या

Similar Posts

2 Comments

  1. जयवंत हरणे says:

    सुंदर लेख.

  2. नवीन वर्ष नवे संकल्प पण संकल्प कसे पुर्ण करायचे किंवा त्याचा मार्ग कोणता असेल हे कोणालाही आखता येत नाही. मात्र वरील लेखाप्रमाणे त्याच यश लहान लहान गोष्टीतुन चाखत आपला संकल्प गाठण हे सर्वोत्तम मार्गदर्शन आहे.

Leave a Reply

Your email address will not be published. Required fields are marked *