Laxmi Pujan Marathi Wishes-लक्ष्मीपूजन शुभेच्छा
Laxmi Pujan Marathi Wishes-लक्ष्मीपूजन शुभेच्छा
दिवाळीच्या पाच दिवसांमधील लक्ष्मी पूजनाच्या दिवसाला मोठे महत्वाचे मानले जाते. ह्या दिवशी धन, समृद्धी आणि संपत्तीचे प्रतीक असलेल्या गोष्टींची पूजा करून त्यांच्याविषयी आदर व्यक्त केल्या जातो. लक्ष्मी पूजन हे संपत्ती निर्मिती आणि त्याचे व्यवस्थापन ह्या गोष्टीशी सुद्धा जोडल्या जाऊ शकते.
Laxmi Pujan Marathi Wishes-लक्ष्मीपूजन शुभेच्छा
दिवाळीच्या उत्सवात लक्ष्मी पूजनाच्या दिवशी, दिव्यांच्या आरासात देवी लक्ष्मीची वेगवेगळ्या स्वरूपात पूजा करण्यात येते. ह्यामध्ये भौतिक स्वरूपातील धनाचे प्रतीक असलेल्या पैशांव्यतिरिक्त वेगवेगळे धान्य, स्वच्छतेचे प्रतीक झाडू, प्रसादामध्ये विभिन्न फळे, आपल्या व्यवहाराशी संबंधित नोंदवह्या, कागदपत्रे आणि आधुनिक वेळेतील आणखी काही संपत्तीचे प्रतीक असलेल्या गोष्टी सुद्धा पूजेत ठेवल्या जातात.
एकंदरीत लक्ष्मी पूजन हे आपल्याला देवी लक्ष्मीच्या वेगवेगळ्या रूपांचे दर्शन घडवते. धनलक्ष्मी, धान्यलक्ष्मी, विद्यालक्ष्मी इत्यादी रूपातील अष्ट लक्ष्मी आपल्याला आपल्या कार्य क्षेत्राप्रमाणे संपत्ती आणि समृद्धीशी नाते जोडण्याचा संदेश देऊन जातात. लक्ष्मी पूजनाच्या दिवशी कुणी गुंतवणूकीच्या क्षेत्रात अजून अधिक शिकण्याचा संकल्प घेऊ शकतो.
आपल्या कार्यक्षेत्रामध्ये जोमाने काम करून व इतरांना मदत करून आपल्यावर अष्ट लक्ष्मी प्रसन्न होवो ह्या कामनेसह ‘पैसा मंत्र’ च्या सगळ्या वाचकांना लक्ष्मी पूजन आणि दिवाळीच्या हार्दिक शुभेच्छा.
हे सुद्धा वाचा:- आवडत्या पुस्तकातील पैशांच्या गोष्टी
